Лідар Еўрапейскай народнай партыі заклікаў накіраваць еўрапейскія войскі ва Украіну
Кіраўнік Еўрапейскай народнай партыі Манфрэд Вэбер выступіў за размяшчэнне ва Украіне еўрапейскіх вайскоўцаў, у тым ліку салдат бундэсвера, пад агульнай еўрапейскай сімволікай. Паводле яго слоў, калі Еўропа сапраўды сур’ёзна кажа пра міратворчую місію, Германія не можа заставацца ўбаку, піша Bild.
«Я хачу бачыць салдат з еўрапейскім сцягам на форме, якія разам з нашымі ўкраінскімі сябрамі будуць забяспечваць мір», — заявіў Вэбер.
Палітык таксама раскрытыкаваў сцэнар, пры якім мір ва Украіне забяспечвалі б выключна амерыканскія вайскоўцы. На думку Вэбера, «гэта не рашэнне, калі прэзідэнт ЗША Дональд Трамп будзе гарантаваць мір толькі амерыканскімі салдатамі».
Гаворачы пра пазіцыю Масквы, Вэбер заявіў, што не бачыць з боку Уладзіміра Пуціна гатоўнасці да міру.
«Пуцін водзіць нас за нос. Ён сядзіць у Крамлі і радуецца таму, як Захад спрачаецца і расколваецца», — дадаў палітык.
Еўрапейская народная партыя, якую ўзначальвае Манфрэд Вэбер, застаецца найбуйнейшай і вядучай партыяй.
Каментары
Пока пыпе будет "капать" за энергоресурсы 1 000 000 000 долларов ЕЖЕДНЕВНО , он не успокоится и будет атаковать.... И это надо понять уже давно было. Будет придумывать что угодно только не перемирие.