Крэмль паведаміў пра тэлефонны кантакт з Вашынгтонам пасля даклада спецпасланніка Пуціна Дзмітрыева
«Дамовіліся працягваць дыялог».
Па даручэнні прэзідэнта Расіі Уладзіміра Пуціна «адбыўся кантакт паміж прадстаўнікамі адміністрацыі Расіі і Злучаных Штатаў», паведаміў журналістам прадстаўнік Крамля Дзмітрый Пяскоў, піша Бі-бі-сі.
«Быў такі тэлефонны кантакт. Дамовіліся працягваць дыялог»,— сказаў Пяскоў. Паводле яго слоў, з расійскага боку ў размове ўдзельнічаў памочнік прэзідэнта Юрый Ушакоў, а з амерыканскага — «было некалькі суразмоўцаў».
Пуцін даручыў Ушакову звязацца з Вашынгтонам пасля дакладу свайго спецыяльнага прадстаўніка Кірыла Дзмітрыева, які ў мінулыя выходныя сустракаўся з амерыканскай дэлегацыяй у Фларыдзе і абмяркоўваў амерыканскі план спынення вайны ва Украіне.
У сераду, 24 снежня, Пяскоў казаў, што Дзмітрыеў «меў магчымасць ужо паведаміць прэзідэнту пра вынікі сваёй паездкі ва ўсіх нюансах».
Цяпер прадстаўнік Крамля заявіў: «Пасля таго як Кірыл Дзмітрыеў далажыў прэзідэнту пра вынікі сваёй паездкі ў Амерыку, пра вынікі сваіх кантактаў з амерыканцамі, гэтая інфармацыя была прааналізавана, і па даручэнні прэзідэнта Пуціна адбыўся кантакт паміж прадстаўнікамі адміністрацыі Расіі і Злучаных Штатаў. Дамоўлена працягваць дыялог».
Пяскоў адмовіўся адказваць на пытанне пра сутнасць пытанняў, якія абмяркоўваліся з уладамі ЗША. Паводле яго слоў, распаўсюджванне гэтай інфармацыі можа негатыўна адбіцца на ходзе перагаворнага працэсу.
У пятніцу раніцай прэзідэнт Украіны Уладзімір Зяленскі анансаваў сустрэчу з прэзідэнтам ЗША Дональдам Трампам «у найбліжэйшы час». Паводле даных выдання Axios, яна можа адбыцца ў нядзелю, 28 снежня, у прыватнай рэзідэнцыі Трампа ў Фларыдзе.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары