Акцёры Павел і Ганна Харланчук-Южаковы выйшлі ў фінал абласнога конкурсу «Сям'я года»
Найлепшую сям'ю Мінскай вобласці назавуць 27 жніўня ў Крупках, яна прадставіць рэгіён на рэспубліканскім этапе конкурсу «Сям'я года», паведамляе БелТА са спасылкай на прэс-службу Мінаблвыканкама.
Па словах спецыялістаў, 26 чэрвеня адбылося пасяджэнне журы па падвядзенні вынікаў адборачнага тура абласнога этапу рэспубліканскага конкурсу «Сям'я года» (праводзіўся завочна без запрашэння сем'яў па прадстаўленых матэрыялах).
Па выніках адбору ў асноўны тур выйшлі пяць сем'яў: Таўстыкаў з Вілейскага раёна, Выскварка з Любанскага раёна, сям'я акцёраў Паўла Харланчука і Ганны Южаковай з Мінскага раёна, Мацавіла з Нясвіжскага раёна і сям'я Дабрыніных з Маладзечанскага раёна.
Асноўны тур конкурсу будзе праходзіць у Крупках ў раённым Доме культуры.
Ён уключае наступныя конкурсныя заданні: фільм пра сям'ю (да 3 хвілін); візітная картка «Радавод» — сем'і расказваюць гісторыю свайго роду, сямейныя звычаі і традыцыі (да 7 хвілін); прадстаўленне сацыяльна значнага праекта «Мая краіна — мая сям'я», прэзентацыя актыўнай жыццёвай пазіцыі членаў сям'і, захапленняў, поспехаў і дасягненняў (да 10 хвілін).
Цяпер чытаюць
Трамп запрасіў Лукашэнку ўвайсці ў Раду міру па Газе38
Каментары