Ён паехаў у Афрыку ратаваць людзей добраахвотнікам, і там заразіўся.
Амерыканскі доктар Кент Брэнтлі цалкам вылечыўся ад ліхаманкі Эбола, якой заразіўся ў Ліберыі, дапамагаючы хворым. Доктара паставілі на ногі ў амерыканскім шпіталі, дзе яму давалі эксперыментальны прэпарат.
«Сёння дзіўны дзень, — заявіў Брэнтлі сёння на прэс-канферэнцыі ў Атланце. — Я застаўся жывы, і гэта цуд. Калі ў сакавіку мы даведаліся, што ліхаманка Эбола зафіксавана ў Гвінеі, стала відавочна: час рыхтавацца да горшага. У нас у Ліберыі першы пацыент з Эбола з'явіўся толькі ў чэрвені, так што мы паспелі падрыхтавацца. А 23 ліпеня я прачнуўся і зразумеў: са мной нешта не так. Затым у мяне знайшлі ліхаманку і маё жыццё пайшло зусім не так, як я планаваў».
У канцы ліпеня доктара даставілі ў ЗША, дзе пачалі даваць эксперыментальны прэпарат, які раней не быў выпрабаваны на людзях. Па словах Брэнтлі, ён хутка зразумеў, што лекі «працуюць».
Яшчэ трое медыкаў, якія атрымліваюць аналагічную тэрапію, таксама пайшлі на папраўку.
У сярэдзіне жніўня Сусветная арганізацыя аховы здароўя дазволіла прэпарат да выкарыстання ў афрыканскіх краінах.
Там з-за ўспышкі ліхаманкі Эбола загінулі каля 1300 чалавек.
Універсальнага лячэння гэтага захворвання ў свеце пакуль няма.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам30
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары