МТС павышае цэны на паслугі і спыняе абслугоўванне некаторых тарыфных планаў
СТАА «МТС» павышае кошт паслуг сувязі і спыняе абслугоўванне некаторых тарыфных планаў з 1 верасня 2014 года, паведамілі ў прэс-службе аператара.
«Карэкціроўка абумоўлена ўзроўнем інфляцыі, ростам курса долара і закране штомесячную плату, галасавыя выклікі ўнутры сеткі і на нумары іншых аператараў на большасці тарыфных планаў, паслуг роўмінгу, а таксама праграмы «МТС-Бонус», — паведамілі ў прэс-службе.
Пры гэтым не зменяцца кошт мабільнага інтэрнэту і ўмовы платы за набытае ў растэрміноўку абсталяванне. Ранейшымі застануцца і ўмовы для карыстальнікаў сацыяльных тарыфных планаў «Блізкі. Для пенсіянераў», «Асаблівы» і «Дзіцячы».
Як адзначылі ў прэс-службе, пасля падаражання расходы абанентаў МТС на паслугі сувязі ў сярэднім павялічацца на 6 працэнтаў.
З 1 верасня МТС спыняе абслугоўванне тарыфных планаў «Джынс 007» і «Супер Джынс» па прычыне страты іх актуальнасці. Тарыфікацыя паслуг для гэтых абанентаў будзе праходзіць па ўмовах тарыфаў «Джынс 007 61» і «Супер Джынс 61» адпаведна.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары