Некаторыя паслугі сістэмы BelToll будуць недаступныя 26-27 жніўня ў сувязі з правядзеннем тэхналагічных работ, паведамілі ў ЗТАА «Капш Тэлематык Сэрвісіз».
Правядзенне тэхналагічных работ у сістэме BelToll плануецца з 23.00 26 жніўня да 04.00 27 жніўня. «У гэты час будуць недаступныя, у прыватнасці, рэгістрацыя праз сайт, заключэнне дагавора карыстання платнай дарогай, праверка стану рахунку і папаўненне яго ў пунктах абслугоўвання кліента», — растлумачылі ў кампаніі-аператары сістэмы BelToll.
Пры гэтым спагнанне платы за праезд па платных дарогах будзе ажыццяўляцца ў поўным аб'ёме. Кіроўцам рэкамендуецца загадзя праверыць стан рахунку бартавой прылады і пры неабходнасці папоўніць яго.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай14
Каментары