Сувязі з грамадзкім актывістам Паўлам Вінаградавым няма ўжо шэсьць гадзін. Пра гэта паведаміла Радыё Свабода жонка Паўла Вінаградава Сьвятлана.
«Павал пайшоў у Маскоўскі РУУС да 11-й гадзіны адзначацца згодна з умовамі прэвэнтыўнага нагляду. І з гэтага моманту сувязі зь ім няма. Я была ў РУУС. Там мне сказалі, што Паўла ў іх няма», — распавяла Сьвятлана.
Цяпер Сьвятлана чакае, што даведаецца пра лёс Паўла ў судзе Маскоўскага раёну.
10 верасьня ў кватэру да актывіста моладзевай ініцыятывы «Зьмена» Паўла Вінаградава прыйшлі чатыры супрацоўнікі міліцыі.
«У мяне ў хаце міліцыя. Пакуль што я не разумею, што адбываецца», — сказаў Вінаградаў карэспандэнту Свабоды праз тэлефон.
Былы палітвязень Павал Вінаградаў — рэкардсмэн па адвольных затрыманьнях. У сакавіку ён быў асуджаны на 25 сутак арышту і трымаў галадоўку.
У жніўні Вінаградава арыштавалі на 10 сутак. Ён апавёў, што гэта яго 16-я адміністрацыйная справа, і з гэтага ліку 9 былі па абвінавачаньні ў лаянцы.
Цяпер чытаюць
Анжаліка Мельнікава пасля знікнення набыла дзве кватэры ў Мінску72
Каментары