Мінжылкамгас: Новых пляцовак для выгулу сабак у старых раёнах не будзе
Пры цяперашняй шчыльнасці забудовы стварэнне новых пляцовак у буйных гарадах для выгулу сабак немагчымае.
Такое меркаванне выказала кансультант упраўлення жыллёвай гаспадаркі Міністэрства жыллёва-камунальнай гаспадаркі Віялета Андрыянава 18 верасня на прэс-канферэнцыі ў Мінску.
«Пляцоўкі вызначаюцца мясцовымі выканаўчымі і распарадчымі органамі ўлады, і пры існай шчыльнасці забудовы, напрыклад, у Мінску ці абласных цэнтрах не заўсёды атрымліваецца такую пляцоўку абсталяваць», — сказала яна.
Паводле слоў спецыяліста, існыя пляцоўкі часта ўяўляюць сабою агароджаныя пусткі. «Стварэнне пляцовак у такой забудове не ўяўляецца магчымым. Пры праектаванні новых дамоў, калі ў праекце ёсць такая пляцоўка, то яна будзе», — адзначыла Андрыянава.
Пры гэтым яна падкрэсліла, што Мінжылкамгас не адсочвае сітуацыю з пляцоўкамі для выгулу і не мае звестак пра іх колькасць. «Часам мы бачым, што ў нас няма пляцовак для паркоўкі машын, дзіцячых, гаспадарчых пляцовак, але затое мы рады, што засяліліся ў новую кватэру. Напэўна, сёння трэба расстаўляць прыярытэты», — сказала Андрыянава.
Паводле яе слоў, цяпер прыярытэтным кірункам з'яўляецца «стварэнне спрыяльных умоў для пражывання грамадзян».
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы69
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары