Еўрапейскі банк рэканструкцыі і развіцця (ЕБРР) і Fishman Group (Ізраіль) аб'ядналі намаганні для стварэння ў Мінску новага офіснага цэнтра, які быў афіцыйна адкрыты для арандатараў 29 верасня. Крэдыт на 8,7 млн. еўра, выдадзены ЕБРР, дапамог Fishman Group узвесці офісны будынак агульнай плошчай 15 тысяч квадратных метраў.
Як паведамілі ў прэс-службе ЕБРР, офісны комплекс размешчаны ў Парку высокіх тэхналогій.
Дырэктар дэпартамента па нерухомасці і турызме ЕБРР Клаудзія Пендрэд зазначыла: «Гэта першы праект, які фінансуе ЕБРР у сферы нерухомасці ў Беларусі, і мы рады падтрымаць нашага кліента, Fishman Group, у развіцці маладога IT-сектара ў краіне, які хутка развіваецца».
Ёсеф Фрыдман, генеральны дырэктар Svitland Development Ltd. (падраздяленне Fishman Group у Беларусі і Літве), падкрэсліў: «Я вельмі рады, што наша кампанія распрацавала канцэпцыю такога высакаякаснага сучаснага бізнес-цэнтра ў Мінску. Комплекс «Клевер Парк» не толькі прапаноўвае камфортныя ўмовы працы для беларускіх высокатэхналагічных кампаній, але і адпавядае самым высокім патрабаванням энергазберажэння. Хочацца зазначыць, што было б цяжка ажыццявіць гэты праект без такога надзейнага партнёра, як ЕБРР».
Новы офісны цэнтр спажывае амаль на 50% менш энергіі, чым сярэдні офісны будынак у Беларусі. Эканомія энергарэсурсаў у межах гэтага праекта можа скласці 1,35 МВт/гадз у год, або 85.500 еўра ў грашовым эквіваленце. Дзякуючы новым экалагічным рашэнням комплекс таксама зможа мінімізаваць выкіды CO2.
ЕБРР з'яўляецца буйным інвестарам у Беларусь. Банк выдзеліў больш за 1,5 мільярда еўра ў межах 66 праектаў па стане на 1 верасня 2014 года.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1818
Каментары