Аляксандр Лукашэнка 30 красавіка падпісаў указ «Аб развіцці малочнай галіны». Дакумент прадугледжвае будаўніцтва або рэканструкцыю ў 2026—2028 гадах не менш як 73 малочна-таварных комплексаў у арганізацыях аграпрамысловага комплексу. Таксама плануецца стварэнне ўсёй неабходнай інфраструктуры для іх працы.
Арганізацыі, якія будуць рэалізоўваць гэтыя інвестыцыйныя праекты, вызначыць Савет Міністраў. Спіс сфарміруюць на аснове прапаноў, падрыхтаваных аблвыканкамамі.
Указ вызначае ўмовы рэалізацыі праектаў і патрабаванні, якім яны павінны адпавядаць.
Таксама ўстаноўлены максімальны аб’ём фінансавання аднаго праекта — 27 мільёнаў рублёў.
Акрамя таго, дакумент дазваляе пры будаўніцтве выкарыстоўваць нормы з указа №46 ад 31 студзеня 2025 года «Аб асаблівасцях будаўніцтва і прыёмкі аб’ектаў у эксплуатацыю». Гэта робіцца для зніжэння кошту работ і больш хуткай рэалізацыі праектаў.
За неналежнае або несвоечасовае выкананне патрабаванняў указа прадугледжаная персанальная адказнасць службовых асобаў — аж да крымінальнай.
Таксама дакумент вызначае крыніцы фінансавання будаўніцтва малочна-таварных комплексаў на 2026 год.
Лукашэнка з чыноўнікамі адзначыў шампанскім дабудаваны кароўнік
Пастаўскі малочны завод патлумачыў, чаму піша ганебную «Белоруссию» на сваіх пачках
Полацкі малочны камбінат прадалі «Савушкаваму прадукту»
У Расіі незадаволены «Савушкавым прадуктам» і «Сервалюксам»: у іх тварагу знайшлі небяспечнае рэчыва
Упершыню за дзесяцігоддзе «Беллакт» спрацаваў з мінусам, ды яшчэ і агромністым. І вось чаму
Чым насамрэч «разбаўляюць» малако на заводзе і як дабіваюцца патрэбнай тлустасці масла
Каментары