Праславіцца дзякуючы глабальнаму сеціву ў нашы дні вельмі проста, для гэтага дастаткова прыдумаць нешта незвычайнае, напрыклад, вяселле, але без жаніха. Так, маладая жыхарка Брытаніі Грэйс Гедлер ажанілася сама з сабой, дзякуючы чаму стала гераіняй сусветных навін.
На сямейную ўрачыстасць, якая прайшла ў графстве Дэван, былі запрошаныя 50 чалавек. Падкрэсліваецца, што бацькі выбар Грэйс ухвалілі. Бо, па іх словах, «галоўнае, каб іх дачка адчувала сябе шчаслівай». Калі Грэйс паведаміла пра намер зарэгістраваць адносіны з сабой жа, яе бабуля сказала «О, ты як што-небудзь прыдумаеш, Грэйсі».
Маладая нявеста прызналася, што ўжо 6 гадоў не была ў адносінах з мужчынамі і ў нейкі момант зразумела, што яны ёй не патрэбныя зусім.
Аднак Грэйс не хавае — многія яе сябры лічаць, што яна сябе павяла як «нарцыс». Але гэта не перашкаджае яе «сямейнаму» дабрабыту. Нягледзячы на тое, што ў Вялікабрытаніі гэты саюз не мае зусім ніякага юрыдычнага статусу, «маладыя» вельмі шчаслівыя.
Паведамляецца, што прыняць рашэнне аб незвычайным вяселлі дзяўчыне дапамагло падарожжа для асобаснага развіцця, дзе яна «шмат медытавала, выконвала тантрычныя танцы і развівала сваю самасвядомасць».
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары