Лукашэнка: Культура з'яўляецца адным з найважнейшых фактараў умацавання нацыянальнай свядомасці
Аляксандр Лукашэнка павіншаваў работнікаў культуры Беларусі з іх прафесійным святам.
«Вы робіце важкі ўнёсак у скарбніцу айчыннай культуры, якая з'яўляецца сёння адным з найважнейшых фактараў умацавання нацыянальнай свядомасці і адзінства народа», — цытуе тэкст віншавання прэс-служба прэзідэнта.
Менавіта таму, зазначае Лукашэнка, «такое вялікае значэнне ў краіне надаецца захаванню гістарычнай і мастацкай спадчыны, забеспячэнню спрыяльных умоў для актыўнага развіцця сучаснай беларускай культуры».
Лукашэнка запэўніў, што дзяржава «з павагай і пашанай ставіцца ад дасягненняў творчай інтэлігенцыі», і паабяцаў «заўсёды падтрымліваць тых, хто сваім талентам узбагачае нацыянальныя духоўныя скарбы і праслаўляе Беларусь у свеце».
Міністр культуры Барыс Святлоў у сваім віншаванні таксама адзначыў «глыбокую павагу дзяржавы да тых, хто стварае і беражліва захоўвае нацыянальную культуру незалежнай Беларусі». «Шматлікія клубы і палацы культуры, бібліятэкі і музеі, тэатры, школы мастацтваў і цэнтры рамёстваў задзейнічаны ў агульным працэсе будаўніцтва найноўшай гісторыі краіны», — гаворыцца ў віншаванні кіраўніка Мінкультуры.
Між тым варта зазначыць, што работнікі сферы культуры застаюцца ў Беларусі адной з самых нізкааплачваных катэгорый. Так, паводле звестак Белстата, у жніўні сярэдняя налічаная зарплата работнікаў сферы адпачынку і забаў, культуры і спорту склала 4 млн 663 тыс. рублёў. Для параўнання: сярэдняя зарплата ў фінансавай сферы ў жніўні склала 9 млн 869 тыс., у прамысловасці — 6 млн 937 тыс. рублёў.
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары