Нацбанк Беларусі выпусціў манеты з выявай гетмана Канстанціна Астрожскага, які стаяў на чале арміі Вялікага Княства, што ў 1514 годзе разграміла маскоўскія войскі ў Бітве пад Оршай.
Срэбная памятная манета «Канстанцін Астрожскі» з серыі «Умацаванне і абарона дзяржавы» наміналам 20 рублёў выйшла тыражом 2000 штук. Аналагічная медна-нікелевая манета наміналам 1 рубель выпушчана тыражом 3000 штук, паведамляе прэс-служба Нацбанка.
Як вядома, раней памятныя манеты ў гонар Бітвы пад Оршай адбіла Украіна. Яны сімвалізуюць баявое братэрства чатырох народаў — літоўскага, беларускага, украінскага і польскага.
Праваслаўны ваявода Канстанцін Астрожскі меў родавыя землі на Валыні (Паўночная Украіна).
Бітва пад Оршай адбылася 8 верасня 1514 года. Сёлета было адзначана яе 500-годдзе.
Выявы новай манеты Нацбанк у інтэрнэце пакуль не распаўсюдзіў. Пастараемся адшукаць яе заўтра.
Разведка ЗША: Беларусь стала перадавым вайсковым плацдармам Расіі24
Каментары