Жонка прэс-сакратара расійскага прэзідэнта, фігурыстка Таццяна Наўка падчас свайго ваяжу ў Парыж закупіла забароненыя ў Расіі «санкцыйныя» прадукты — каўбасы і сыры.
У сваім Instagram Наўка выставіла фатаздымак на фоне кірмашовых гандлёвых намётаў на Елісейскіх Палях і іранічна падпісала яго: «Карыстаючыся выпадкам, закупіла на Калядным кірмашы, забароненую для імпарту ў Расію сырную і кілбасную прадукцыю, бедных французскіх фермераў».
На здымку спартсменка трымае ў адной руцэ важкі пакет з пакупкамі, а ў другой стаканчык з гарачым глінтвейнам, які ў зімовым Парыжы прадаюць на кожным вуглу.
Znak.com піша, што адносіны прэзідэнцкага прэс-сакратара Дзмітрыя Пяскова і Таццяны Наўкі доўгі час былі «сакрэтам Палішынэля»: пра іх ведалі многія, але афіцыйна пара не давала гэты конт ніякіх каментароў. Тры месяцы таму ў Наўкі і Пяскова нарадзілася дачка Надзея. 29 лістапада пара вырашыла рассакрэціцца і з'явілася на адкрыцці катка на Краснай Плошчы: Навка і Пяскоў прыехалі разам і не хавалі сваіх стасункаў.
Дадамо, што Таццяна Наўка нарадзілася ў 1975 г. у Днепрапятроўску, а ў 1990-х выступала за Беларусь у фігурным катанні, з 1998-га выступае за Расію.
Каментары