59-гадовы Міхаіл Жамчужны з’яўляецца заснавальнікам установы «Платформ інавейшн», якая займаецца праваабарончай дзейнасцю. Кіраўніка «Платформы» Андрэя Банадарэнку асудзілі за хуліганства ў жніўні 2014. Адразу пасля гэтага ў Віцебску арыштавалі і Жамчужнага.
Па інфармацыі радыё «Свабода», яго абвінавацілі ў тым, што схіліў супрацоўніка ўнутраных спраў да перадачы яму дакументаў, якія ўтрымлівалі службовую таямніцу. А таксама набыў схаваную камеру (у выглядзе гузіка) і перадаў у часовае карыстанне іншаму чалавеку. Такія прылады ў Беларусі незаконныя.
Міхаіл — кандыдат тэхнічных навук, аўтар некалькіх манаграфій, вынаходнік. Першы ў краіне зарэгістраваў самаробны аўтамабіль на альтэрнатыўным паліве. У 2008 яго асудзілі на 5 гадоў за крадзеж шляхам злоўжывання службовым становішчам. Ён быў вядучым навуковым супрацоўнікам у віцебскім універсітэце. Сабраў калектыў навукоўцаў, з якімі працаваў над атрыманнем вадароду, каб пасля яго выкарыстоўваць у прамысловасці. Пры праверцы працы яго групы на Жамчужнага завялі крымінальную справу і асудзілі. Па вызваленні ў 2012 ён заявіў, што справа супраць яго была сфабрыкавана.
Цяпер чытаюць
Адзін з загінулых сёння вайскоўцаў — 26‑гадовы мінчук Кірыл. Што пра яго вядома1
Каментары