Расійскія войскі пачалі прымяняць практыку загараджальных атрадаў, каб сілай прымусіць баевікоў ісці ў наступ на пазіцыі ўкраінскіх вайскоўцаў.
Пра гэта сёння на брыфінгу ў Кіеве паведаміў спікер АТА Андрэй Лысенка.
Ён адзначыў, што ў выніку баявых дзеянняў паблізу населеных пунктаў Папасная, Дэбальцава, Вуглягорск і іншых зафіксаваныя значныя страты сярод баевікоў «ДНР» і «ЛНР», «казакоў», расійскіх наймітаў і вайскоўцаў, а таксама варожай ваеннай тэхнікі.
«Гэта прыводзіць да спробаў масава самавольна пакінуць імі незаконныя ўзброеныя фарміраванні. Паводле аператыўных дадзеных, адступленне баевікоў ад Вуглягорска стрымлівалі загараджальныя атрады дывізіі ўнутраных войскаў МУС РФ імя Дзяржынскага», — адзначыў Лысенка.
Паводле яго слоў, расійскія войскі сілай змушалі баевікоў вяртацца на перадавую і працягваць штурм.
Лысенка праінфармаваў, што гэты факт пацверджаны з некалькіх крыніц, а таксама самімі палоннымі, якіх захапілі пасля бою.
«Такога выпадку мы яшчэ не памяталі, каб быў загараджальны атрад для таго, каб гнаць наперад людзей, тым больш, наколькі нам вядома, у гэтым штурме прымалі ўдзел дэсантнікі з Ульянаўскай брыгады», — рэзюмаваў Лысенка.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары