ЕЦБ паслаў жорсткае папярэджанне Грэцыі: адмовіўся крэдытаваць пад заставу аблігацый
Гэты крок выкліча падзенне еўра.
Еўрапейскі цэнтральны банк адмовіўся выкарыстоўваць грэчаскія даўгавыя дзяржаблігацыі у якасці забеспячэння крэдытаў для банкаў краіны. Аб гэтым паведамляецца на сайце ЕЦБ.
Рашэнне рэгулятара ўступіць у сілу 11 лютага.
«Прыпыненне выкарыстання аблігацый адпавядае існуючым правілам еўрасістэмы, бо цяпер немагчыма прагназаваць паспяховасць заканчэння праверкі праграмы пра наданні пазыкаў», — гаворыцца ў паведамленні банка.
Раней СМІ пісалі, што ЕЦБ не згодны з ключавым пунктам новага антыкрызіснага плана Грэцыі. У прыватнасці, рэгулятару не падабаўся план, у адпаведнасці з якім Афіны прыцягнуць € 10 млрд праз выпуск кароткатэрміновых казначэйскіх вэксаляў у якасці «прамежкавага фінансавання» на бліжэйшыя тры месяцы, пакуль Грэцыя узгадняе новыя меры са сваімі партнёрамі па еўразоне.
У Грэцыі да ўлады прыйшоў лявацкі папулісцкі ўрад. Асобныя яго дзеячы звязаныя цеснымі сувязямі з рэжымам Пуціна. У прыватнасці, міністр замежных справаў Грэцыі наведваў выступ у Афінах расійскага неанацыста Дугіна.
Новы прэм'ер Грэцыі Алексіс Цыпрас хоча, каб Грэцыі адтэрмінавалі выплаты па замежным доўгу.
Ранейшыя ўрады Грэцыі — як левыя, так і правыя — набралі зашмат крэдытаў, каб забяспечыць рост узроўню жыцця. Калі тое выявілася, распачаўся моцны фінансавы крызіс.
Эканоміка Грэцыі скарацілася на 27% ад 2007 года, больш за чвэрць насельніцтва краіны лічыцца фармальна беспрацоўным. Праўда, некаторыя эканамісты ставяць апошнюю лічбу пад сумнеў, бо ў грэчаскай статыстыцы шмат махлярства. Гэтак, у краіне фіксаваліся выпадкі, калі «сляпыя», што атрымлівалі высокую дапамогу па інваліднасці, адначасова працавалі таксістамі.
Крок Еўрапейскага цэнтрабанка выкліча турбуленцыю на рынках. Еўра, як чакаецца, апусціцца проці даляра.
Каментары