У якасці асноўных прычын агенцтва называе наступствы ўкраінскага крызісу, падзенне цэнаў на нафтапрадукты, а таксама абменнага курсу рубля. Міністр фінансаў Расіі ў раздражнёнай заяве назваў рашэнне крэдытнага агенцтва «палітычным».
Міжнароднае рэйтынгавае агенцтва Moody's панізіла сувэрэнны крэдытны рэйтынг Расіі на адну прыступку — з узроўню «Baa3» да спекулятыўнага «Ba1» з негатыўным прагнозам, гаворыцца ў рэлізе арганізацыі.
«Працягваецца крызіс на Украіне, нядаўняе падзенне цэнаў на нафту, а таксама зніжэнне курсу рубля будуць у далейшым падрываць магчымасці эканамічнага росту Расіі ў сярэднетэрміновай перспектыве», — кажа Moody's.
«Негатыўны прагноз адлюстроўвае патэнцыял далейшых больш сур'ёзных палітычных ці эканамічных узрушэнняў, звязаных як з ваенным канфліктам ва Украіне, так і ў сувязі з аднаўленнем зніжэння цэнаў на нафту», — пішуць прагназісты.
У метадалогіі Moody's рэйтынг «Ba1» адносіцца да спекулятыўнай катэгорыі.
У пачатку года рэйтынгавае агенцтва Fitch знізіла суверэнны рэйтынг Расіі да «ВВВ-«. Праз тыдзень агенцтва Moody's панізіла рэйтынг расійскіх дзяржаблігацый да «Baa3», змясціўшы яго ў спіс на перагляд у бок паніжэння. Такім чынам, Fitch і Moody's змясцілі рэйтынгі Расіі на ніжнюю прыступку інвестыцыйнай катэгорыі. Пры канцы студзеня агенцтва S&P першым панізіла суверэнны рэйтынг Расіі да «спекулятыўнага» ўзроўню «ВВ+» з інвестыцыйнага «ВВВ-«.
Міністр фінансаў Расіі Сілуанаў у тэрміновай раздражнёнай заяве сцвердзіў, што Moody's кіравалася палітычнымі матывамі.
-
«Мая праца згарэла». Беларускія бізнэсы страцілі тавар на складах Wildberries, але маюць больш шанцаў на кампенсацыю, чым расіяне
-
20 літраў у бак і ніякіх каністраў? Ці сапраўды на беларускіх запраўках на мяжы з Расіяй увялі ліміты на бензін
-
Кітайскі стартап выпусціў ШІ-мадэль, якая абышла амерыканскія аналагі
Каментары