За ўчыненне хуліганскіх дзеянняў Кастрычніцкі РАУС Гродна шукае мужчыну 25-35 гадоў, які 22 лютага прадэманстраваў інтымную частку цела 12-гадовай школьніцы. Пра гэта паведамляе УУС Гродзенскага аблвыканкама.
Інцыдэнт адбыўся ў раёне прыпынку «Румлёўскі парк» у аўтобусе № 16, які рухаўся ў бок праспекта Кляцкова.
Падобны да гэтага выпадак адбыўся ў Гродне 25 лютага каля 8 гадзін раніцы на вуліцы Пушкіна, дзе невядомы мужчына, якому на выгляд 40 гадоў, таксама паказваў сваю інтымную частку цела 13-гадовай школьніцы. Адзенне падазронага мела неахайны выгляд.
Усіх, каму штосьці вядома пра гэтыя злачынствы, міліцыя просіць паведаміць пра гэта.
Таксама ва УУС паведамляюць, што міліцыя ўстанаўлівае асобу невядомага, які 14 лютага прыкладна ў 00.20 каля дома № 37 па вуліцы Рэпіна ў Гродне з прымяненнем фізічнай сілы спрабаваў учыніць насільныя дзеянні сексуальнага характару ў дачыненні да мясцовай жыхаркі 1991 года нараджэння. Аднак дзяўчына аказала актыўнае супраціўленне нападаўшаму і змагла ўцячы.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары