У Барысаве супрацоўнікі Дзяржаўтаінспекцыі выявілі матацыкліста, які значна перавысіў дазволеную хуткасць. На адным з участкаў горада ён разагнаўся да 182 км/г, хоць максімальна дазволеная хуткасць там складала 60 км/г. Такім чынам, хуткасць была перавышаная больш чым утрая.
Парушэнне супрацоўнікі ДАІ Барысаўскага раёна зафіксавалі з дапамогай тэхнічнага комплексу «Бінар».
Высветлілася, што матацыклам Honda кіраваў 41‑гадовы жыхар Барысава. Ён рухаўся па вуліцы Ватуціна, калі прыбор зафіксаваў хуткасць 182 км/г.
За грубае парушэнне правіл дарожнага руху мужчыну прыцягнулі да адміністрацыйнай адказнасці. Яму прызначылі штраф у памеры 8 базавых велічынь, што складае 360 беларускіх рублёў.
У ДАІ Мінскай вобласці нагадалі, што перавышэнне хуткасці істотна павялічвае рызыку дарожна-транспартных здарэнняў. Акрамя таго, чым вышэйшая хуткасць, тым цяжэйшымі могуць быць наступствы аварыі.
«Прыгразіла пайсці да іншага». У МУС расказалі падрабязнасці забойства 43‑гадовай цяжарнай жанчыны хакейным арбітрам20
Каментары