З сёньняшняй раніцы страйкуюць польскія мытнікі. Беларусам не рэкамэндуюць ехаць у Польшчу, а палякам — у Беларусь.
Начальнік прэс‑службы Дзяржаўнага памежнага камітэта Аляксандр Цішчанка распавёў Еўрарадыё пра сітуацыю на беларуска‑польскай мяжы:
«На пунктах пропуску «Дамачава» і «Варшаўскі мост» польскія мытнікі заблакавалі пункты пропуску. На астатніх пунктах пропуску фармальна па адным мытніку. Там ідзе афармленне вельмі марудна, прапускаюць па адной машыне».
Прычым, як стала вядома Еўрарадыё, прапускаюць пераважна машыны, якія не патрабуюць мытнага афамлення, напрыклад, дыпламатычныя.
У Дзяржаўным памежным камітэце Беларусі пакуль не ведаюць, якія патрабаванні ў польскіх мытнікаў і як доўга можа працягвацца іх акцыя. З польскага боку не паступала ніякіх афіцыйных дакументаў альбо заяваў.
Вось якія парады дае грамадзянам нашай краіны памежны камітэт. Гаворыць Аляксандр Цішчанка:
«Мы пакуль рэкамендуем грамадзянам, якія збіраліся ехаць у Польшчу, адмовіцца ад паездак у бліжэйшы час. Інакш можна патрапіць у непрыемную сітуацыю з тымі самымі чэргамі. Наколькі я ведаю, палякаў, якія збіраюцца ўязджаць у Беларусь, іх польская мытня папярэджвае, што яны могуць не вярнуцца…»
Мытнікі рэкамендуюць карыстацца чыгуначным транспартам, які пакуль афармляецца ў звычайным рэжыме. Аднак што будзе далей — невядома.
Нагадаем, раней страйк быў на ўкраінскім участку польскай мяжы, цяпер ён перакінуўся на беларускі ўчастак. Чэргі на ўкраінска‑польскай мяжы расцягваліся на дзесяткі кіламетраў.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца8
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары