Амерыканскі аэракасмічны гігант атрымаў патэнт на тэхналогію стварэння плазменнага поля, якое часткова абараняе ад выбуховай хвалі вайсковую тэхніку, паведаміў сайт cnet.com.
Патэнт, размешчаны ў дзяржаўнай базе дадзеных, называецца «Метад і сістэма затухання ўдарнай хвалі праз выкарыстанне электрамагнітнай дугі».
Тэхналогія не абараняе ад аскепкаў снарадаў і куляў, аднак і уласна ўдарная хваля ад блізкіх выбухаў нават часцей выводзіць са строю як лёгкабраніраваныя, гэтак і цяжкія баявыя машыны.
Сістэма складаецца з сэнсара, які імгненна рэгіструе факт выбуху. У выніку актывізуецца электрамагнітная дуга, якая іанізуе паветра з патрэбнага боку, з дапамогай лазера і мікрахваляў ствараючы плазменнае поле.
Поле адрозніваецца ад навакольнага асяроддзя тэмпературай, шчыльнасцю і складам, такім чынам утвараецца буфер, які адводзіць і абсарбіруе як мінімум частку ўдарнай хвалі.
Поле ўключаецца толькі ў момант выбуху, такім чынам, гэта не пастаянная абаронная сістэма, якія паказаныя ў фантастычных фільмах, напрыклад, у «Зорных войнах».
Плануецца, што такія «энергетычныя шчыты» можна будзе ўсталёўваць на наземную і паветраную тэхніку, а таксама на будынкі.
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй16
Каментары