Бранявік з кулямётам і верталёт у небе. Ахову Пуціна ў Астане беспрэцэдэнтна ўзмацнілі
Падчас перамяшчэння Уладзіміра Пуціна па сталіцы Казахстана яго картэж суправаджаюць не толькі дзясяткі аўтамабіляў і матацыклістаў, але і спецыялізаваная вайсковая тэхніка.
У картэжы Пуціна ў Астане заўважылі бранявік з месцам для кулямётчыка на даху і, магчыма, машыну з РЭБ. У небе праезд прыкрываў верталёт, піша «Агентство».
На кадрах праезду Пуціна да Палаца незалежнасці, дзе праходзяць перамовы лідараў Расіі і Казахстана, відаць, што лімузін акружаюць 14 матацыклаў і каля двух дзясяткаў аўтамабіляў.
Замыкаў калону вайсковы аўтамабіль. Паводле ацэнкі OSINT-аналітыка Кірыла Міхайлава, гэта, хутчэй за ўсё, бранявы аўтамабіль «Алан» з пазіцыяй для кулямётчыка на даху.
Таксама ў картэжы заўважылі машыну з канструкцыяй на даху, якая, як мяркуе Міхайлаў, можа быць сістэмай РЭБ.
Праезд расійскага картэжу і ўвечары ў сераду, і раніцай у чацвер кантраляваў верталёт у небе.
Прынамсі адна з вуліц падчас руху была перакрыта браневіком. Яшчэ адзін бранявы аўтамабіль заўважылі каля Палаца незалежнасці.
Уздоўж дарог стаялі вайскоўцы ў камуфляжы з аўтаматамі.
Раней Служба дзяржаўнай аховы Казахстана папярэджвала пра абмежаванні для транспарту ў Астане падчас гэтага візіту і правядзення пасяджэння Вышэйшага Еўразійскага эканамічнага савета. Ведамства адкрыта заяўляла, што «мерапрыемствы прадугледжваюць выкарыстанне рэсурсаў спецыяльных дзяржаўных, праваахоўных органаў і ўзброеных сіл, у тым ліку ваеннай авіяцыі і тэхнікі».
На пачатку мая заходняя разведка дапусціла ўцечку ў СМІ інфармацыі пра тое, што ФСА (Федэральная служба аховы РФ) узмацніла меры бяспекі вакол Пуціна: ён перастаў ездзіць на Валдай і працуе нібыта ў абароненых бункерах.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары