У Францыі ў нядзелю прайшоў другі тур мясцовых выбараў. Вынікі галасавання на гэтых выбарах шмат хто лічыць індыкатарам настрояў французаў, якія ў 2017 годзе будуць выбіраць новага прэзідэнта.
Паводле экзіт-полаў, у другім туры перамаглі правацэнтрысты на чале з «Саюзам за народны рух» Нікаля Сарказі.
«Нацыянальны фронт» Марын Ле Пен ідзе другім, хоць напярэдадні галасавання ў першым туры некаторыя апытанні паказвалі, што партыя Ле Пен магла нават стаць самай папулярнай у краіне. Аднак гэтага не адбылося, да радасці цэнтрыстаў.
Чакаецца, што сацыялісты прэзідэнта Франсуа Алянда, якія ідуць трэцімі, страцяць кантроль над значнай колькацю мясцовых органаў улады.
Прэм'ер-міністр Францыі Мануэль Вальс прызнаў, што сацыялісты выступілі вельмі няўдала.
Ён назваў рост папулярнасці «Нацыянальнага фронту» прыкметай «фундаментальных зменаў у французскім палітычным ландшафце».
Нікаля Сарказі ўжо заявіў, што французы прадэманстравалі вялікае жаданне пераменаў.
Апытанні грамадскай думкі паказваюць, што правацэнтрысцкая партыя Сарказі «Саюз за народны рух» возьме на гэтых выбарах амаль у два разы больш месцаў, чым прыхільнікі цяперашняга прэзідэнта Франсуа Алянда.
Упершыню выбаршчыкі галасуюць не за адзінага кандыдата, а за пару — мужчыну і жанчыну з мэтай забеспячэння роўнага прадстаўніцтва ў мясцовых органах улады.
У выбарах не бяруць удзел два найбуйнейшыя гарады краіны Парыж і Ліён.
Цяпер чытаюць
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары