У НАТА хочуць адмовіцца ад штогадовых самітаў, каб не цвяліць лішні раз Трампа
У кіраўніцтве НАТА абмяркоўваюць магчымасць адмовіцца ад штогадовых самітаў альянсу. Пра гэта паведамляюць крыніцы Reuters. Паводле інфармацыі агенцтва, такі крок разглядаецца ў тым ліку для таго, каб пазбегнуць канфліктаў з прэзідэнтам ЗША Дональдам Трампам падчас яго апошняга года знаходжання ў Белым доме.
Трамп неаднаразова крытыкаваў іншыя краіны НАТА. Апошнім часам ён выказваў незадаволенасць тым, што саюзнікі нібыта недастаткова падтрымалі ЗША ў вайне супраць Ірана.
За 77 гадоў існавання НАТА саміты праводзіліся з рознай перыядычнасцю. Аднак з 2001 года яны адбываліся штогод.
Ужо вядома, што 7—8 ліпеня 2026 года сустрэча лідараў краін альянсу павінна прайсці ў Анкары. Аднак некаторыя ўдзельнікі НАТА лічаць, што перыядычнасць такіх сустрэч можна і зменшыць.
Адзін з дыпламатаў паведаміў, што запланаваны на 2027 год саміт у Албаніі, хутчэй за ўсё, адбудзецца, але сустрэчу ў 2028 годзе могуць адмяніць.
У 2028 годзе ў ЗША павінны адбыцца чарговыя прэзідэнцкія выбары, пасля якіх Трамп пакіне сваю пасаду.
Прадстаўнік НАТА ў адказ на запыт журналістаў заявіў, што альянс і надалей будзе рэгулярна праводзіць сустрэчы кіраўнікоў дзяржаў і ўрадаў, а паміж самітамі працягне кансультацыі па пытаннях агульнай бяспекі.
Як ЗША выбудоўваюць новы сусветны парадак: кантроль над марскімі вузламі перадусім
Трамп падзяліў саюзнікаў па НАТА на «добрых» і «кепскіх»
Прэм'ер-міністр Іспаніі спрабуе аб'яднаць левыя сілы ў сусветную кааліцыю супраць трампаўскай MAGA
Вось як еўрапейцы і Канада будуць дзейнічаць, калі ЗША выйдуць з НАТА
«Яна непрымальная». Трампа расцвяліла нават Джорджа Мелоні
Прэзідэнт Чэхіі: Трамп за некалькі тыдняў зрабіў больш для падрыву даверу да НАТА, чым Пуцін за многія гады
Каментары