У Славакіі дочкі прыйшлі на магілу нядаўна памерлага бацькі і пачулі з яе падазроныя гукі. Ім не падалося
У нядзелю 26 красавіка ў другой палове дня родныя памерлага 60‑гадовага мужчыны прыйшлі на могілкі ў вёсцы Біяцаўцы ў Прэшаўскім краі Славакіі. І там з імі здарылася незвычайная гісторыя, паведамляе denik.cz.
Калі дочкі падышлі да магілы бацькі і пачалі на ёй галасіць, яны пачулі з-пад зямлі гукі, падобныя да стукаў і чалавечага голасу. Паводле сведак, шумы паўтараліся неаднаразова.
Жанчыны спалохаліся і выклікалі паліцыю. Як паведамляецца, патруль прыбыў праз некалькі дзясяткаў хвілін. Спачатку супрацоўнікі паставіліся да паведамлення пра шум скептычна, аднак пасля самі пачулі гукі з месца пахавання. Адзін з паліцэйскіх нават зафіксаваў гэта на запіс.
За адкрыццё магілы ўзяліся не адразу. Патрэбна было атрымаць на гэта законны дазвол, выклікаць пахавальную службу і арганізаваць работы. Да гэтага часу паліцыя абмежавала доступ людзей да месца здарэння.
Прыкладна пасля 18‑й гадзіны на могілкі прыбылі пажарнікі і іншыя службы, якія аказвалі тэхнічную дапамогу. Пасля гэтага магілу адкрылі.
Унутры пахавання знайшлі цела мужчыны. Паводле апісанняў, яно мела прыкметы пасінення. Медыкі і следчыя пачалі працэсуальныя дзеянні на месцы.
Цела накіравалі на судова-медыцынскую экспертызу. Яна павінна вызначыць дакладны час і прычыну смерці, а таксама высветліць, ці маглі гукі быць звязаныя з целам або мелі іншае паходжанне.
Паводле папярэдняй інфармацыі, мужчына быў прызнаны памерлым пасля цяжкіх ускладненняў здароўя. Ён перанёс ампутацыю нагі, пасля чаго развіўся сепсіс. Паводле медыцынскіх дакументаў, ягоная смерць была канстатаваная раней, а пахаванне адбылося за некалькі дзён да здарэння.
Паліцыя Прэшаўскага краю паведаміла, што прыняла матэрыялы па справе і праводзіць праверку ўсіх абставін. Пасля заканчэння расследавання сям’я зможа арганізаваць паўторнае пахаванне.
У Нясвіжы адкрылі памятны знак да Года беларускай жанчыны. Ён падобны на надмагілле
«Ежа на могілках — так было заўсёды». Гісторык пра традыцыі памінальнага стала ў беларусаў
Статкевіч заклікаў беларусаў не маліцца на мове РПЦ і пісаць на помніках па-беларуску
«Плача і баіцца спаць па начах». Маці першакласніцы абурылася, што дзецям у 6 гадоў расказвалі, як у Хатыні спальвалі людзей
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары