У Філадэльфіі, штат Пенсільванія, сышоў з рэек пасажырскі цягнік. Паводле апошніх паведамленняў, пяць чалавек загінулі, каля 50 атрымалі траўмы рознай цяжкасці. Шэсць чалавек знаходзяцца ў крытычным стане, паведаміў мэр Філадэльфіі.
У цягніку №188 кампаніі Amtrak, які рухаўся з Нью-Ёрка ў Вашынгтон, знаходзіліся каля 240 пасажыраў.
Па папярэдніх дадзеных, восем з дзесяці вагонаў цягніка перакуліліся.
Ратавальнікі эвакуююць пацярпелых пасажыраў. Разам з пажарнымі яны таксама шукаюць сярод абломкаў цягніка магчымых пацярпелых, якія заблакаваныя ў пашкоджаных вагонах.
Большая частка пацярпелых атрымалі нязначныя траўмы.
Патрык Мэрфі, былы кангрэсмэн ЗША, напісаў у сябе ў «Твітэры», што ён быў у ліку пасажыраў пацярпелага крушэнне цягніка. «Са мной усё ў парадку. Дапамагаю астатнім. Малюся за пацярпелых», - напісаў ён.
Месца здарэння ачэплена, рух па чыгунцы перакрыты
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?21
Каментары