Жыхары Беларусі па-ранейшаму актыўна ездзяць у сталіцу Літвы ў шопінг-туры, з-за чаго ў віленскія гіпермаркеты спецыяльна прымаюць на працу рускамоўных прадаўцоў.
«Доля прадстаўнікоў краін СНД складае ў нас каля 5% усіх наведвальнікаў. Большасць з іх — госці з Беларусі. Кожны беларус траціць на пакупкі і паслугі ў сярэднім ад 200 да 250 еўра», — распавёў DW Чэславас Урбанавічус, кіраўнік віленскага гандлёва-забаўляльнага цэнтра «Акропаліс».
У гандлёвым цэнтры «Озас» доля беларускіх турыстаў яшчэ больш — 7—8% ад усіх пакупнікоў. А сярод замежнікаў амаль 87% — госці з Беларусі, патлумачыла Інга Навіцкайце, генеральны дырэктар «Озаса».
Паводле яе звестак, сярэдні чэк беларусаў у гэтым гандлёва-забаўляльным цэнтры складае ад 140 да 160 еўра. Растучая колькасць беларускіх пакупнікоў стала прычынай таго, што адміністрацыя павялічыла колькасць работнікаў, добра валодаюць рускай мовай. Гэтак жа паступіла і кіраўніцтва «Акропаліса».
Каментары