Пра гэта паведаміла галоўны сіноптык Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Святлана Рыбакова.
У пятніцу, 29 мая, умовы надвор'я на тэрыторыі Беларусі будзе ў асноўным вызначаць вобласць павышанага атмасфернага ціску. Пераважна будзе без ападкаў, толькі па ўсходзе краіны, дзе адчуецца ўплыў франтальнага раздзелу, месцамі пройдуць кароткачасовыя дажджы, магчымы навальніцы. Ноччу і раніцай у асобных раёнах згусціцца слабы туман. Тэмпература паветра ноччу складзе ад 3 да 9 градусаў вышэй за нуль, па ўсходзе Беларусі будзе на пару градусаў цяплей, днём пры невялікай воблачнасці паветра прагрэецца да 17-23 градусаў цяпла.
У суботу на большай частцы тэрыторыі краіны захаваецца ўплыў вобласці павышанага атмасфернага ціску, будзе пераважна без ападкаў, толькі днём па паўночна-заходняй палавіне краіны пры праходжанні малаактыўнага атмасфернага фронту месцамі магчымы кароткачасовыя дажджы, навальніцы.
Ноччу і раніцай у асобных раёнах чакаецца туман. Тэмпература паветра ноччу складзе плюс 6-12 градусаў, днём будзе 17-24 градусы цяпла, па поўдні - да 26 градусаў вышэй за нуль.
У нядзелю ноччу яшчэ адчуецца ўплыў франтальнага раздзелу, таму месцамі па краіне пройдуць кароткачасовыя дажджы, днём у асноўным будзе без ападкаў, толькі ў асобных раёнах Віцебскай вобласці магчымы невялікія дажджы. Тэмпература паветра ноччу складзе 6-12 градусаў цяпла, днём паветра прагрэецца да 17-24 градусаў вышэй за нуль.
«Пачатак лета будзе цёплым, сонечным і ў асноўным без ападкаў», - адзначыла Святлана Рыбакова.
У панядзелак будзе пераважна без ападкаў. Ноччу і раніцай у асобных раёнах магчымы туман. Тэмпература паветра ноччу складзе 5-12 градусаў цяпла, днём будзе 17-24 градусы вышэй за нуль, у паўднёвых раёнах паветра прагрэецца да плюс 26 градусаў.
У аўторак ноччу будзе пераважна без ападкаў, днём у асобных раёнах магчымы кароткачасовыя дажджы, навальніцы. Тэмпература паветра ноччу складзе 7-14 градусаў вышэй за нуль, днём будзе ад плюс 23 градусаў па паўночным усходзе да плюс 29 градусаў па паўднёвым захадзе краіны.
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары