Кітайская кампанія Alibaba Group зарэгістравала прадстаўніцтва ў Расіі, паведамляе «Коммерсант». Адзін з найбуйнейшых анлайн-магазінаў у свеце адкрыў новае падраздзяленне, каб спрасціць адносіны з расійскімі ўладамі.
Юрыдычная асоба з назвай ТАА «Алібаба.ком (РУ)» была зарэгістравана 15 мая ў расійскім Адзіным дзяржаўным рэестры юрыдычных асоб. Дырэктарам новай арганізацыі стаў Марк Завадскі, які да гэтага займаў пасаду дырэктара па развіцці бізнесу AliExpress ў Расіі і СНД.
Тлумачачы прычыны з'яўлення новай кампаніі, Завадскі назваў «пашырэнне бізнесу» і «палёгку ўзаемадзеяння з дзяржаўнымі органамі Расіі».
У склад Alibaba Group уваходзіць некалькі анлайн-пляцовак і сэрвісаў для гандлю праз інтэрнэт. Па падліках на канец сакавіка 2015 сумарная колькасць пакупнікоў Alibaba Group за год склала 350 мільёнаў чалавек, а прыбытак кампаніі дасягнуў $3,9 млрд.
Анлайн-рытэйлер AliExpress, які належыць Аlibaba, з'яўляецца самай папулярнай і для Беларусі інтэрнэт-крамай. Па дадзеных на 2014 год, сайт aliexpress.com займаў восьмае месца сярод усіх сайтаў і першае месца сярод анлайн-крам па ахопу аўдыторыі і колькасці наведвальнікаў.
Што вядома пра сям'ю з Баранавічаў, у якой і мужу, і жонцы далі велізарныя тэрміны за «здраду дзяржаве»11
Каментары