У пункце пропуску «Катлоўка» на беларуска-літоўскай мяжы памежнікі затрымалі 8 чэрвеня грамадзянку Літвы — у яе зафіксавана 70-кратнае перавышэнне дапушчальнага ўзроўню радыяцыі.
58-гадовая пасажырка ехала ў Беларусь на аўтобусе. Яна патлумачыла, што ў сувязі з хваробай прымае радыёактыўныя прэпараты, аднак пацвярджаючых дакументаў паказаць не змагла. Па гэтай прычыне ўезд у краіну для яе быў закрыты.
Як паведамілі ў Дзяржаўным памежным камітэце, у апошні час падобныя выпадкі ў пунктах пропуску на мяжы пачасціліся. ДПК нагадвае грамадзянам, якія прымаюць радыяцыйныя прэпараты, пра неабходнасць мець пры перасячэнні мяжы даведку аб праходжанні медыцынскіх працэдур з выкарыстаннем радыёнуклідаў.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары