Паводка ў Тбілісі: 9 чалавек загінулі, з заапарка збеглі драпежнікі
Па меншай меры дзевяць чалавек загінулі ў выніку паводкі ў ноч на нядзелю ў сталіцы Грузіі Тбілісі.
Шматгадзінны лівень прывёў да падтаплення некалькіх раёнаў горада: затопленыя двары, першыя паверхі і падвалы сотняў дамоў, падземныя пераходы.
З затопленага заапарка збеглі, у тым ліку, шэсць львоў, шэсць тыграў, сем мядзведзяў і 13 ваўкоў. Частка з іх была забітая спецназам, частку атрымалася ўсыпіць і вярнуць у заапарк. У самым заапарку загінулі некалькі дзясяткаў жывёл.
Мэр Тбілісі Давід Нарманія заклікаў жыхароў не выходзіць на вуліцы і паведамляць пра заўважаных драпежнікаў.
Найбольш складанай сітуацыя ў Тбілісі застаецца ў раёне трасы Ваке-Сабуртала, дзе ноччу былі затопленыя прыватныя жылыя пабудовы ў цясніне ракі Верэ. МУС Грузіі заяўляе, што пакуль невядомы лёс каля 10 чалавек.
-
«Спыніць сітуацыю, калі людзі знаходзяцца на ўтрыманні дзяржавы ад самага прыезду». Ірландыя прапануе ўкраінцам «шчодрыя» выплаты за вяртанне дадому
-
Праз канфлікт з Папам Рымскім Трамп пачаў страчваць падтрымку выбаршчыкаў. У Вашынгтоне загаварылі пра прымірэнне
-
У Томску знеслі помнік рэпрэсаваным: сярод іх былі дэпартаваныя з Беларусі палякі, а таксама беларусы, якіх прымушалі змяняць нацыянальнасць
Каментары