У Гомельскай вобласці працягваецца ліквідацыя лясных пажараў.
Паводле аператыўных дадзеных МНС, з 6.00 13-га да 6.00 14 чэрвеня ліквідаваныя восем лясных пажараў на агульнай плошчы 1,9 гектара, 14 тарфяных пажараў на плошчы 3,685 гектара і 20 пажараў травы і кустоў на плошчы 18,12 гектара.
Па стане на 6 гадзін раніцы нядзелі не былі ліквідаваныя тры лясныя пажары: адзін — на плошчы 60 гектараў у Хойніцкім раёне і два — на плошчы каля пяці гектараў кожны ў Лельчыцкім раёне.
Для барацьбы з агнём задзейнічаныя падраздзяленні МНС (абвешчаны збор асабовага складу, перадыслацыраваная тэхніка) і работнікі Міністэрства лясной гаспадаркі. Мясцовыя органы ўлады аказваюць максімальна магчымую падтрымку ўдзельнікам ліквідацыі пажараў. У Хойніцкім раёне працуе авіяцыя МНС — верталёты Мі-2 і Мі-26. Пагрозы населеным пунктам няма, паведамляе сайт МНС.
Нагадаем, у сувязі з надзвычайнай пажарнай небяспекай ў больш чым 60 раёнах Беларусі (больш за палову ад агульнай колькасці) ўведзеныя забароны на наведванне лесу. Паводле дадзеных МНС, найбольш пажаранебяспечная абстаноўка склалася ў Магілёўскім і Гомельскім рэгіёнах (тут мараторый на наведванне лясоў дзейнічае амаль паўсюдна). Нельга наведваць палову лясоў Брэсцкай, Гродзенскай і Мінскай абласцей. У Віцебскай вобласці забарона на пачатку лета уведзеная ўпершыню.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую8
Каментары