Прэзідэнт Расіі Уладзімір Пуцін падчас тэлефоннай размовы з прэм'ер-міністрам Нідэрландаў Маркам Рутэ выказаўся супраць стварэння міжнароднага трыбунала наконт збітага ў ліпені мінулага года над Украінай «Боінга-777». Пра гэта паведамляе ў чацвер, 16 ліпеня, прэс-служба Крамля.
«Прэзідэнт Расіі падрабязна растлумачыў расійскую пазіцыю адносна дачаснасці і контрпрадуктыўнай ініцыятывы шэрагу краін, уключаючы Нідэрланды, па ўтварэнні міжнароднага трыбунала для крымінальнага пераследу асоб, адказных за знішчэнне малайзійскага авіялайнера», — гаворыцца ў паведамленні на сайце Крамля.
На сайце Крамля таксама паведамляецца, што расійскі прэзідэнт заклікаў для пачатку завяршыць усебаковае расследаванне катастрофы. Пуцін таксама назваў «недапушчальнымі» ўкіды розных неафіцыйных версій ў СМІ.
За стварэнне трыбунала па катастрофе малазійскага «Боінга» ва Украіне выступалі раней Аўстралія і Малайзія. Рэзалюцыю падтрымалі дэлегацыі Аўстраліі, Нідэрландаў, Бельгіі і Украіны.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты50
Каментары