Клецкі РАУС праводзіць праверку па факце інцыдэнту паміж пацыентамі Даматканавіцкай бальніцы сястрынскага догляду, якая аказвае медыцынскую і сацыяльную дапамогу доўгажыхарам і інвалідам.
Як паведамляе УУС Мінскага аблвыканкама, позна вечарам 15 ліпеня медсёстрам прыйшлося выклікаць хуткую дапамогу для 63-гадовага пацыента, якому 66-гадовы сусед па палаце нанёс тры ўдары нажом.
Як высветлілася, днём раней на лячэнне ў бальніцу паступіў 66-гадовы пацыент — аднаногі інвалід-калясачнік. Пенсіянера паклалі ў адну палату з 63-гадовым мужчынам. Неўзабаве паміж ім ўспыхнула сварка: нібыта старэйшы з іх выкраў у малодшага чатыры галоўкі цыбулі і шклянку кефіру. Пацярпелы патрабаваў вярнуць яму выкрадзеныя рэчы, пры гэтым стаў пагражаць інваліду расправай. У адказ той схапіў нож і некалькі разоў ударыў ім крыўдзіцеля ў грудзі і жывот.
Нарад міліцыі, які прыбыў на месца здарэння, узяў злачынца пад варту. Медыкі ацэньваюць стан пацярпелага як стабільны.
Мужчыны раней судзімыя не былі і ў момант інцыдэнту знаходзіліся ў цвярозым стане.
Міліцыя высвятляе ўсе акалічнасці здарэння.
Цяпер чытаюць
Улады Гродна паведамілі пра выхад з ладу ліўнёўкі пад ударам стыхіі1
Каментары