Старшыні Цэнтрвыбаркама Лідзіі Ярмошынай «не спадабалася» спроба рэгістрацыі ініцыятыўнай групы ката Барсіка. Пра гэта яна заявіла 24 ліпеня на прэс-канферэнцыі ў Мінску.
«Гэта асятрына другой свежасці. Калі такія спробы ўжо былі, значыць, гэта не дасціпна», — сказала Ярмошына.
На яе думку, такія ўчынкі не сведчаць аб «дэвальвацыі выбараў». «Пажартавалі. Не лічу, што гэта абразіла чыйсьці гонар і годнасць», — сказала яна.
Нагадаем, 17 ліпеня журналіст Васіль Сямашка прынёс у ЦВК свайго ката Барсіка для рэгістрацыі яго ініцыятыўнай групы.
«Гэта адзіны з кандыдатаў, які не гаворыць ўсякага глупства. Заняты справай — ловіць мышэй. Яго ўтрыманне абыходзіцца значна танней, чым дзеючага прэзідэнта. У палітыцы не першы год — падпісваў мемарандум з Някляевым. На фоне астатніх кандыдатаў у прэзідэнты глядзіцца рэспектабельна — прыкладаць будзем вусы і хвост», — паведаміў Сямашка. — У гранічна ветлівай форме мне сказалі, што з катом уваходзіць нельга».
Беларусцы па пашпарце 120 гадоў. Але ў кнігу Гінеса яе не запішуць — і вось чаму5
Каментары