У ноч на панядзелак невядомыя закідалі «кактэйлямі Молатава» офіс Ашчадбанка Расіі ў Львове, паведамляюць мясцовыя СМІ.
Гэта адбылося ў аддзяленні банка ў цэнтры горада — на вуліцы Валавай. Акрамя таго, невядомыя разбілі вітрыны ў двух іншых аддзяленнях банка — на праспекце Чарнавіла і вуліцы Івана Франко.
Паводле звестак міліцыі, напад быў здзейснены каля 3 гадзін ночы. У выніку ніхто не пацярпеў, але ў офісе на вуліцы Валавай адбылося сур'ёзнае задымленне.
Паводле паведамленняў відавочцаў, кінуць «кактэйлі Молатава» маглі чатыры чалавекі ў балаклавах, якіх бачылі, як яны ўцякалі з месца здарэння. Каля аднаго з офісаў раскідалі ўлёткі, на якіх невядомыя напісалі, што напад на Ашчадбанк быў арганізаваны з мэтай «не дазволіць акупантам зарабляць на мірных тэрыторыях Украіны».
Гэта не першы напад на офіс Ашчадбанка ва Украіне. У канцы чэрвеня ў кіеўскіх аддзяленнях таксама прагрымелі выбухі, былі пашкоджаныя дзверы, вокны і шыльды.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары