Cтыльная кватэра знаходзіцца ў доме паміж вядомымі тэатрам і кінатэатрам у цэнтры Мінска. Жылы будынак быў пабудаваны яшчэ ў 1917 годзе. Кватэры тут адрозніваюцца столямі — вышэйшымі, чым у сталінках, і сценамі з чырвонай цэглы. Апошнія з’яўляюцца разынкай сучаснага інтэр'еру двушкі, піша Realt.
Дом на Валадарскага, 7 узвялі ў 1917-м. Ён знаходзіцца па суседстве з тэатрам імя Максіма Горкага. Жыллё размяшчаецца на апошнім трэцім паверсе і займае 67 квадратных метраў.
Кватэра адрозніваецца сваім інтэр'ерам — яркі лофт, які падкрэсліваюць столі вышынёй 3,5 метра і чырвоныя цагляныя сцены. Кухня-гасцёўня абстаўлена добрым кухонным гарнітурам.
Спальнае месца абсталявана ў ізаляваным пакоі.
У сумешчаным санвузле зроблены душ.
Дом знаходзіцца ў гістарычным цэнтры горада. Кватэра здаецца на суткі, але ад дзвюх начэй. Цана за мінімальны перыяд складае 1760 рублёў (628 долараў).
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам5
Каментары