Дзярждэп ЗША выпусціць лімітаваную серыю пашпартоў з выявай Трампа ўнутры
Абмежаваную серыю пашпартоў прысвецяць 250‑годдзю незалежнасці ЗША, якое будзе адзначацца ўлетку.
Дзяржаўны дэпартамент Злучаных Штатаў Амерыкі выпусціць абмежаваную серыю пашпартоў з выявай прэзідэнта Дональда Трампа на ўнутраным баку вокладкі, паведамляе Politico са спасылкай на прэс-сакратара Дзярждэпартамента ЗША Томі Пігата.
На апублікаваных выявах пашпарта — партрэт Трампа, накладзены на тэкст Дэкларацыі незалежнасці на ўнутранай вокладцы, з яго подпісам залатога колеру, а таксама старонка з выявай айцоў-заснавальнікаў падчас падпісання Дэкларацыі незалежнасці.
«У сувязі з адзначэннем 250‑годдзя ЗША ў ліпені Дзяржаўны дэпартамент рыхтуецца выпусціць абмежаваную колькасць спецыяльна распрацаваных пашпартоў ЗША ў гонар гэтай гістарычнай падзеі».
Прэс-сакратар Дзярждэпартамента дадаў, што гэтыя пашпарты будуць мець «тыя ж элементы абароны, якія робяць пашпарт ЗША самым бяспечным дакументам у свеце».
Паводле слоў прадстаўніка Дзярждэпартамента, за атрыманне пашпарта дадатковая плата не будзе спаганяцца.
Чакаецца, што новыя пашпарты будуць выпушчаны ў ліпені ў рамках ініцыятывы адміністрацыі Трампа «America250», якая ўключае паядынак UFC у Белым доме і вулічныя гонкі Grand Prix у Вашынгтоне.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам2
Каментары