Лукашэнка пра Астравецкую АЭС: «Найлепшая ў свеце станцыя будуецца». Але бясплатных кватэр яе работнікам не будзе
Беларусь і Расея на БелАЭС хочуць паказаць прыклад атамных станцый будучыні. Пра гэта заявіў Аляксандр Лукашэнка пры дакладзе па пытаннях падрыхтоўкі кадраў для ядзернай энергетыкі.
«Найлепшая ў свеце станцыя будуецца, і Расія хоча на прыкладзе гэтай станцыі паказаць разам з намі, якія атамныя станцыі павінны быць у будучыні», — верыць Лукашэнка.
Ён нагадаў, што першы энергаблок станцыі мае быць здадзены ў 2018 годзе, другі — у 2020-м. «Спадзяюся, што вы да мяне не прыйдзеце бліжэй да 2018 года, можа, да іншага прэзідэнта, каб перанесці тэрміны», — цытуе яго БелТА.
Лукашэнка таксама патрабуе «не адрывацца ад рэалій» пры забеспячэнні жыллём спецыялістаў БелАЭС. Паводле яго слоў, уносяцца розныя прапановы для замацавання кадраў. Прэзідэнт перасцярог ад «кавалерыйскіх наскокаў» ў гэтым пытанні. «Там заробак будзе прыстойны ў рабацяг, сярэдняга і вышэйшага звяна. Як усюды ў свеце такія спецыялісты аплачваюцца. Трэба арыентавацца на тое, што нейкія сродкі яны ў стане плаціць за жыллё. Дапусцім, за арэнднае», — адзначыў Лукашэнка.
«Розныя варыянты могуць быць, але давайце іх абмяркуем, не адрываючыся ад рэальнай рэчаіснасці», — сказаў Аляксандр Лукашэнка і перасцярог ад таго, каб раздаць бясплатныя кватэры.
«Гэтага быць не павінна. Трэба людзям казаць, што яны прыйдуць на вельмі перспектыўнае месца працы з добрай зарплатай», — падкрэсліў ён.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс20
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі1414
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі14
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары