Змена клімату, крызісы, ІДІЛ, Расія… Што ў свеце лічаць найбольшай пагрозай
Хоць капіталістаў ніхто не баіцца.
Недзяржаўная даследчая арганізацыя Pew Research Center апублікавала аналіз сусветнага апытання аб галоўных пагрозах, падрабязна апытанне апісанае тут.
Калі Заходняя Еўропа, Паўночная Амерыка, Японія і Аўстралія баяцца баевікоў «Ісламскай Дзяржавы», Паўднёвая Амерыка, Мексіка, Кітай, Індыя і іншыя больш страшацца змены клімату. Польшча і Украіна лічаць галоўнаей пагрозай Расію, а Расія — эканамічную нестабільнасць.
Лідары па страху змены клімату — Буркіна-Фасо, Бразілія і Перу, па боязі эканамічнай нестабільнасці — Гана, Іспанія і Уганда. ІДІЛ найбольш баяцца ў Ліване, Іспаніі і Паўночнай Карэі.
Таксама сярод прапанаваных у апытанні пагроз былі тэрытарыяльныя спрэчкі з Кітаем (іх баяцца В’етнам, Філіпіны і Японія), кібератакі (яны не ў лідарах страхаў, але найбольш іх баяцца ЗША і Паўднёвая Карэя), іранская ядзерная праграма (галоўны страх ізраільцян, сур’ёзны страх у ЗША і Іспаніі).
Адначасова і змена клімату, і эканамічная нестабільнасць ёсць галоўнымі страхамі ў Венесуэле і Малайзіі.
Рэспандэнтам прапаноўвалася абраць адразу некалькі адказаў, кітайцаў пра страх Кітая і расейцаў пра страх Расіі не пыталі. Сярод варыянтаў быў таксама страх банкаў і карпарацый, але ён, мяркуючы па ўсім, не трапіў у топ страхаў.
Варта адзначыць, што напружанасць у сувязі з іранскай ядзернай праграмай мае спасці: нядаўна Іран згадзіўся на абмежаванні праграмы ў абмен на скасаванне санкцый.
Апытанне праводзілася не ва ўсіх краінах свету: страхі Беларусі і нашых прыбалтыйскіх суседзяў, паўднёвых еўрапейцаў і большасці афрыканцаў не вызначаныя. А чаго найбольш баіцеся вы?
Апытанка
Пракуратура пра смерць Мелказёрава: журналіст меў хранічную хваробу17
Каментары