У бранскім манастыры знойдзена пліта з Пагоняй часоў Вялікага Княства Літоўскага ВІДЭА
Гістарычны артэфакт, знойдзены ў Свенскім манастыры, нагадаў пра перыяд знаходжання Бранскіх зямель у складзе Вялікага Княства Літоўскага.
Белая каменная пліта з выявай герба ВКЛ, выяўленая падчас рэстаўрацыйных работ у манастыры. Знаходка можа датавацца XIV-XV стагоддзем і не падобная ні на адзін з перш выяўленых помнікаў сярэднявечча. У тыя далёкія стагоддзі Бранская зямля амаль 150 гадоў ўваходзіла ў Літоўскае княства, аднак да гэтага дня падобных артэфактаў таго часу яшчэ не знаходзілі.
Навуковы свет ужо прызнаў унікальнасць гістарычнай знаходкі, паведамляе ВГТРК «Бранск». Даклад супрацоўніка Бранскага краязнаўчага музея Святланы Нікулінай «Сцянная пліта з выявай герба «Пагоня» са Свенскага Свята-Успенскага манастыра» быў прадстаўлены на міжнароднай канферэнцыі «Пытанні эпіграфікі».
Не выключана, што гісторыкаў і археолагаў чакаюць новыя адкрыцці на тэрыторыі манастыра.
-
Свірскі звон аказаўся жыровіцкім «Канстанціусам». Гісторык высветліў паходжанне помніка беларускага ліцця з каталіцкім гербам і кірылічнай малітвай
-
«Кава з гісторыкам» запрашае на круглы стол пра суд і права ў Вялікім Княстве Літоўскім
-
Рэшткі старадаўняга будынка і артэфакты XVII стагоддзя знайшлі ў цэнтры Пінска камунальнікі
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары