Гэтыя сродкі плянуецца накіраваць на наладжваньне вытворчасьці кузаваў.
Іранскі бок мае намер інвэставаць у разьвіцьцё сумеснай зь Беларусьсю вытворчасьці аўтамабіляў «Саманд» амаль $30‑40 млн. Пра гэта заявіў Надзвычайны і Паўнамоцны Пасол Ісламскай Рэспублікі Іран у Беларусі Абдольхамід Фэкры.
Паводле яго слоў, гэтыя сродкі плянуецца накіраваць на наладжваньне вытворчасьці кузаваў аўтамабіля «Саманд» на беларуска‑іранскім СП. Абнаўленьне вытворчасьці дасьць магчымасьць зьнізіць сабекошт выпускаемых тут аўтамабіляў, што ў сваю чаргу станоўча адаб’ецца на аб’ёмах рэалізацыі. Пасол не выключае, што ў пэрспэктыве выпускаемая тэхніка будзе пастаўляцца на экспарт.
У цэлым пасол адзначыў прыметнае паляпшэньне беларуска‑іранскіх гандлёва‑эканамічных адносін. Як плянуецца, на працягу бліжэйшых двух месяцаў Беларусь наведае міністар прамысловасьці Ірану. У цэнтры ўвагі будуць пытаньні павелічэньня ўзаемнага тавараабароту.
Як падкрэсьліў Абдольхамід Фекры, Беларусь і Іран робяць канкрэтныя захады для павелічэння тавараабароту. У прыватнасьці, падрыхтаваны пералікі тавараў, якія краіны плануюць пастаўляць адна адной. Размова ідзе таксама аб магчымасьці ўвядзеньня льготных увазных мытных ставак адносна гэтых тавараў.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага16
Каментары