СК расследаваў жорсткае забойства ў Чэрыкаве, што адбылося некалькі месяцаў таму
Забойства адбылося ў ноч на 25 снежня. За дзень да свайго 47‑годдзя загінула жанчына.
Паводле версіі следства, 40‑гадовы мужчына, знаходзячыся ў стане моцнага алкагольнага ап’янення, нанёс гаспадыні дома шматлікія ўдары кухонным нажом і іншымі прадметамі, якія знаходзіліся на кухні.
«Следчыя ўстанавілі, што пасля забойства мужчына фігурант таксама здзейсніў здзек над трупам. Ён пасмяротна нанёс загінулай шматлікія колата-рэзаныя раненні, пасля чаго пашкодзіў частку мяккіх тканак і органаў», — дадалі ў СК.
На допыце мужчына растлумачыў, што вечарам 24 снежня прыйшоў у госці да былой жонкі свайго стрыечнага брата, каб абмеркаваць яе асабістыя праблемы.
«Пасля сумеснага ўжывання алкаголю ён пачаў прыставаць да жанчыны, але атрымаў адмову — гэта выклікала агрэсію. Пасля здзейсненага злачынства ён паспрабаваў схаваць сляды: спаліў свае рэчы і абутак», — паведамілі ў СК.
Абвінавачанні выстаўленыя паводле п. 6 ч. 2 арт. 139 (забойства, здзейсненае з асаблівай жорсткасцю) і ч. 1 арт. 347 (здзек над трупам) Крымінальнага кодэкса. Раней фігурант прыцягваўся да крымінальнай адказнасці за крадзеж.
Дэпутатка, якая рыхтуе прыгажунь для Лукашэнкі, выйшла замуж23
Каментары