Кіеўскі раённы суд Адэсы вынес прысуд гарадскому галаве Белгарада-Днястроўскага Ігару Наноўскаму, паведамляе censor.net.ua
Ён асуджаны на 6 гадоў пазбаўлення волі з пазбаўленнем права займаць пасады ў органах мясцовага самакіравання тэрмінам на тры гады і з канфіскацыяй маёмасці за атрыманне неправамернай выгады.
У паведамленні прэс-службы суда адзначаецца: «Наноўскага І.М. абвінавачвалі ў здзяйсненні крымінальных правапарушэнняў, прадугледжаных ч. 4 арт. 368 і ч. 1 арт. 364 КК Украіны за вымагальніцтва і атрыманне ад прадпрымальніка неправамернай выгады ў памеры 16000 грн.
Пацярпелы, прадпрымальнік, з прычыны пастаянных вымагальніцтваў звярнуўся па дапамогу ў праваахоўныя органы і пагадзіўся супрацоўнічаць з апошнімі ў мэтах выкрыцця хабарніка».
Факт перадачы хабару быў зафіксаваны з дапамогай аўдыё і відэа. Падчас апошняй перадачы грашовых сродкаў, гарадскі галава быў затрыманы супрацоўнікамі міліцыі ў яго службовым кабінеце.
У судовых пасяджэннях абвінавачваны сваю віну не прызнаў і патлумачыў, што гэта палітычная замова. Абвінавачаны быў узяты пад варту ў зале суда».
Ігар Наноўскі нарадзіўся ў сям'і вайскоўца, жыў у Мінску, скончыў БПІ (цяпер БНТУ).
Займаў пасады гендырэктара прадпрыемстваў Гемапласт, Белмедпласт, Цюмень-Медыка-Украіна, Цюмень-Медыка-Сміла. У 2010 годзе быў абраны Белгарад-Днястроўскім гарадскім галавой.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)