Свет

Польшча плануе дамагчыся сталай прысутнасці саюзнікаў НАТА ў краіне

На саміце НАТА, які адбудзецца ў Варшаве ў 2016 годзе, Польшча плануе дамагчыся сталай прысутнасці саюзнікаў у краіне. Пра гэта падчас пасяджэння соймавай камісіі па пытаннях абароны заявіў кіраўнік Мінабароны Польшчы Томаш Семоняк.

Паводле яго слоў, на апошнім саміце НАТА ў Ньюпорце ў верасні мінулага года Польшча разам з групай саюзнікаў дасягнула «хуткай і моцнай рэакцыі» на пагрозы, якія з'явіліся ва Усходняй Еўропе.

«Мы хочам у Варшаве дамагчыся таго, каб гэтыя змены ў НАТА былі працягнутыя, то бок, каб працягвалася прысутнасць альянсу на тэрыторыі Польшчы. Мы лічым, што пагрозы працягваюцца, таму і НАТА трэба падоўжыць гэтыя змены», — сказаў міністр абароны Польшчы.

Кіраўнік польскага абароннага ведамства адзначыў, што гаворка ідзе таксама аб распрацоўцы і ўдасканаленні здольнасці хутка і эфектыўна ўмацоўваць краіны ўсходняга флангу, у тым ліку размяшчаць склады баявой тэхнікі, а таксама размяркоўваць новыя інвестыцыі НАТА ў абароннай інфраструктуры рэгіёну.

Ён дадаў, што Польшча імкнецца забяспечыць, каб на саміце былі прынятыя рашэнні па дадатковых інвестыцыйным пакетах альянсу адносна абароннай інфраструктуры.

Акрамя таго, Томаш Семоняк выступіў за пашырэнне НАТА, у прыватнасці размова ідзе пра Македонію і Чарнагорыю.

Таксама міністр абароны Польшчы паведаміў, што ў чэрвені польскі ўрад накіраваў саюзнікам варшаўскую ініцыятыву адносна стратэгічнай адаптацыі, то бок пакет прапаноў перад самітам НАТА на тэму таго, як павінен змяніцца альянс. Асноўным прынцыпам прапанаванага дакумента, па словах польскага міністра, з'яўляецца «ўзмацненне НАТА ў цэлым, а не толькі падраздзяленняў хуткага рэагавання».

Нагадаем, саміт НАТА адбудзецца 8-9 ліпеня 2016 года на Нацыянальным стадыёне ў Варшаве.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3

Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер

Усе навіны →
Усе навіны

«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў18

Выключэнне Dana Holdings з санкцыйнага спісу ЗША не звязанае з «мірнымі перамовамі»

Прызналі «экстрэмісцкімі» сайт і сацсеткі Еўрапейскага гуманітарнага ўніверсітэта12

У Польшчы пачалі дэпартаваць затрыманых на канцэрце Макса Каржа11

У Расіі аб'явілі «замежным агентам» праўладнага палітолага Маркава4

Затрымалі дзяўчыну, якая доўгі час сталкерыла Аляксандра Рыбака13

У Мінску за «здраду дзяржаве» на 9 гадоў асудзілі 60-гадовага праграміста5

Украіна нанесла ўдар па базе расійскіх дронаў у Крыме1

Вакансія ў «Нашай Ніве»: мантажор тыктокаў 6

больш чытаных навін
больш лайканых навін

Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3

Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер

Галоўнае
Усе навіны →

Заўвага:

 

 

 

 

Закрыць Паведаміць