Ратавальнікі і паліцыя Іспаніі ў сераду, 5 жніўня, працягвалі пошукі прэзідэнта расійскай Федэрацыі фрыдайвінга Наталлі Малчанавай, зніклай тры дні таму назад падчас апускання блізу вострава Фарментера. Эксперты, аднак, мяркуюць, што шанцаў знайсці 53-гадовую шматразовую рэкардсменку амаль не засталося.
«Пошукі Наталлі афіцыйна не завершаны, аднак, на наш вялікі жаль, імавернасць поспеху вельмі малая», — гаворыцца ў заяве, выпушчанай расійскай Федэрацыяй фрыдайвінга. Малчанава не выплыла на паверхню пасля нырання без ластаў на глыбіню 30—40 метраў каля ўзбярэжжа Фарментэры. Мяркуючы па ўсім, яе знесла моцная плынь. Пошукі спартсменкі будуць працягвацца да нядзелі.
Наталля Малчанава — самая тытулаваная ў свеце жанчына-фрыдайвер. На яе рахунку — 41 сусветны рэкорд і 23 тытулы чэмпіёна свету. Яна была здольная затрымліваць дыханне на 9 хвілін, апускацца на глыбіню 101 метр і праплысці пад вадой з ластамі 234 метры.
