Былы палітвязень апынуўся ў шпіталі пасля гіпертанічнага крызу.
Былы палітвязень Мікалай Аўтуховіч працягвае знаходзіцца ў лякарні. У выніку судовага пераследу ён перажыў гіпертанічны крыз. Як паведамляе Радыё «Рацыя», ціск у Аўтуховіча яшчэ не нармалізаваўся — быў 160, цяпер 140.
Экс-палітвязень кажа, што прабудзе ў лякарні яшчэ некалькі дзён. Па яго словах, позву ў суд некалькі дзён таму яму прыносілі ў шпіталь уначы. «Гэта проста здзекі. Ноччу яны прыносяць позву, каб зранку быў у судзе. Дзе такое было калі?!» — абураецца экс-палітвязень.
Нагадаем, што Ваўкавыскі раённы суд разглядаў справу пра падаўжэнне прэвентыўнага нагляду над Аўтуховічам. У выніку разгляд прайшоў без экс-палітвязня, у прысутнасці толькі яго адваката. Суд працягнуў прэвэнтыўны нагляд яшчэ на паўгода.
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам31
Каментары