У кітайскіх вайскоўцаў на армейскіх гульнях у Мураме скралі 17 скрыняў гарэлкі
Пасля Вайсковых гульняў у Мураме «Адкрытая вада — 2015» у кітайскіх ваенных выкралі 17 скрыняў гарэлкі.
Інцыдэнт адбыўся на станцыі ва Уладзімірскай вобласці ў ноч на панядзелак 17 жніўня. Паводле папярэдніх дадзеных, кітайскія ваенныя купілі каля 20 скрыняў гарэлкі ў якасці падарункаў з Расіі і склалі іх у адным з грузавікоў.
«Аўтамабіль ужо знаходзіўся на платформе цягніка, калі злачынцы выкралі скрыні з гарэлкай, а кіроўца ў гэты час сядзеў у кабіне грузавіка і нічога не заўважыў», — паведамляюць прадстаўнікі паліцыі.
Таксама вядома, што зніклі яшчэ і залатыя ўпрыгажэнні, набытыя вайскоўцамі ў мясцовым гандлёвым цэнтры.
На гэты момант злодзеяў пакуль яшчэ не знайшлі, паведамляе vladtime.ru.
Кітайскія вайскоўцы ў Мураме на спаборніцтвах пантонна-переправочных падраздзяленняў «Адкрытая вада». Фота сайта Mil.ru
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну7
Каментары