Мінінфармацыі абмежавала доступ да двух сайтаў за «прыкметы праявы экстрэмізму»
За распаўсюд інфармацыі, якая распальвае расавую, сацыяльную і рэлігійную варожасць, Міністэрства інфармацыі абмежавала доступ да двух інфармацыйных рэсурсаў. Адпаведнае паведамленне размешчана на сайце Мінінфарма.
Што гэта за рэсурсы, не ўдакладняецца. У міністэрстве толькі тлумачаць, што рашэнне прынята «на падставе рашэння суда Цэнтральнага раёна Мінска, якое ўступіла ў законную сілу 18 жніўня 2015 года, аб прызнанні інфармацыйнай прадукцыі экстрэмісцкімі матэрыяламі».
Пасля прыняцця паправак у «Закон аб СМІ», якія ўступілі ў сілу з 1 студзеня 2015 года, міністэрства абмяжоўвала доступ да амаль трох дзясяткаў вэб-рэсурсаў.
Каментары